ASIA: ISRAEL - Samoth

Esta semana visitamos Israel, onde aprendemos a danza titulada Samoth, de orixe hebrea. Na vida do pobo xudío, a danza é considerada dende os tempos bíblicos como unha expresión de alegría ou de pena, e forma parte das celebracións deste pobo. Así, os xudeus celebran a festa dos Tabernáculos ou Tendas ao final do verán: montan os seus campamentos en distintas zonas da cidade para conmemorar os tiempos en que eran nómades no deserto. Nestes campamentos organízanse festas e bailan as  súas danzas, como esta, Samoth, de ritmo pausado e melodía doada de interiorizar. En círculo, collidos das mans, os danzantes realizan cruzamentos e saltos cos pés, levando un pano branco na man como símbolo de fraternidade e pureza.

6A - Samoth from Rosa Fernández Sánchez on Vimeo.

6B - Samoth from Rosa Fernández Sánchez on Vimeo.

6C - Samoth from Rosa Fernández Sánchez on Vimeo.

AMÉRICA: EEUU - Jingle bells

“Jingle Bells» é unha das cancións tradicionais de inverno máis coñecidas e cantadas en todo o mundo. Foi escrita no século XIX polo compositor estadounidense James Pierpont. A pesar de estar íntimamente conectada ao Nadal, non é específicamente unha panxoliña, xa que non se menciona na letra, senón que trata sobre un paseo en trineo tirado por cabalos nun día de neve, de ahí que os pasos da danza lembren o galope deste animais.  Os danzantes dispóñense nun círculo de parellas, agarrados das mans, e realizan o paso de polca piqué e o galope lateral. 

Con esta danza despedímonos ata xaneiro, cando voltaremos con máis Danzas do Mundo. Bo Nadal a todos e todas!!!! E bailade moito nestas festas!!!!

6A - Jingle bells from Rosa Fernández Sánchez on Vimeo.

6B - Jingle bells from Rosa Fernández Sánchez on Vimeo.

6C - Jingle bells from Rosa Fernández Sánchez on Vimeo.

AMÉRICA: PAÍSES ANDINOS - Carnavalito

O Carnavalito é unha danza moi antiga, bailaba en todos os páises andinos (Colombia, Perú, Bolivia, Arxentina, Chile, Venezuela, Ecuador) antes da chegada dos colonizadores españois. Anuncia a chegada das carnestolendas e cerra as festas despois do primeiro venres de Pascua. A súa importancia non só é festiva; polo xeral, as súas letras eran vellas composicións rimadas, portadoras de ensinanzas tradicionais e de historias de namorados. 

Os danzantes móvense en torno aos músicos ou en ringleira. Unha muller ou un home cun pano (ou banderín adornado con fitas) na man encárgase de dirixir, e forma figuras como a roda, dobre roda, serpentina, caracol, muíño, rúas, fileira libre, … 

6A - Carnavalito from Rosa Fernández Sánchez on Vimeo.

6B - Carnavalito from Rosa Fernández Sánchez on Vimeo.

6C - Carnavalito from Rosa Fernández Sánchez on Vimeo.

AMÉRICA: MÉXICO - A raspa

A raspa é unha danza mexicana tradicional, bastante enérxica e alegre, que é bailada e todas as festas e reunións familiares non só en México, senón tamén en innumerables países do resto do mundo. Intenta escenificar un coqueteo entre a parella, no que o home trata de seducir á muller co seu zapateo. O seu nome provén do son que fai o güiro, instrumento que se toca frotándoo cun raspador. As parellas reúnense nun gran círculo e tratan de imitar ese "raspeo" cos pés.

6A - A raspa from Rosa Fernández Sánchez on Vimeo.

6B - A raspa from Rosa Fernández Sánchez on Vimeo.

6C - A raspa from Rosa Fernández Sánchez on Vimeo.