AMÉRICA - EEUU - Oh! Susannah

Cambiamos de continente e dirixímonos cara a América, concretamente aos Estados Unidos, terra de vaqueiros e cowboys. Aquí aprenderemos a danza "Oh! Susannah", canción escrita por Stephen Foster e publicada en febreiro de 1848. Baile tipicamente americano, asociado á Febre do Ouro, reproduce o espírito aventureiro dos buscadores de ouro: ten unha melodía moi viva e alegre, que vai acompañada por pasos de polca e figuras de ritmo rápido e áxil. 



6 A - Oh Susannah from Rosa Fernández Sánchez on Vimeo.
6 B - Oh Susannah from Rosa Fernández Sánchez on Vimeo.

6 C - Oh Susannah from Rosa Fernández on Vimeo.

MACEDONIA - Koce Berberot

E rematamos a nosa andaina polas danzas de Europa con Koce Berberot, baile tradicional de Macedonia. O seu ritmo vivo e alegre, a súa coreografía sinxela e os seus pasos animosos, fan dela un dos bailes máis interpretados nas festas e reunións familiares. A letra fala dun barbeiro que pasaba os días bailando e disfrutando da música.
Báilase en roda por un número ilimitado de danzantes que, collidos da man, desprázanse en círculo con movementos áxiles dos pés.

6 A - Koce Berberot from Rosa Fernández Sánchez on Vimeo.

6 B - Koce Berberot from Rosa Fernández Sánchez on Vimeo.

6 C - Koce Berberot from Rosa Fernández Sánchez on Vimeo.

GRECIA - Pera Stous Pera Kambous

E viaxamos a Grecia e alí aprendemos a danza "Pera Stous Pera Kambous". O título ven significar "Nas lonxanas chairas" e fala dun mosteiro ao que van as mozas a rezar. A danza ten un ritmo alegre, típicamente grego e báilase cos danzantes collidos polos ombreiros e facendo uns cruzamentos cos pés. 

6 A - Pera stous pera kambous from Rosa Fernández Sánchez on Vimeo.

6 B - Pera stous pera kambous from Rosa Fernández Sánchez on Vimeo.

6 C - Pera stous pera kambous from Rosa Fernández Sánchez on Vimeo.

CENTROEUROPA - Danza da Fitas

Estamos ante unha danza case universal, no sentido de que podemos atopala en moitos países, non só de Europa, senón tamén do mundo enteiro: a Danza das Fitas. Nela, os danzantes van trenzando e destrenzando unhas fitas de cores ao redor dun pao adornado con flores. Tradicionalmente, bailábase para celebrar a chegada da primavera, da estación luz e do bo tempo. Os mozos da vila talaban unha árbore no bosque e quitábanlle as pólas e follas, para que as rapazas o adornaran con flores e fitas. Tamén elaboraban coroas de flores que, despois, levaban na cabeza. 
Esta que representamos aquí é propia de varios países de Centroeuropa: Alemaña, Suíza, Austria, Eslovaquia, República Checa, Francia, ..., aínda que tamén é bailada en moitas provincias de España, incluída Galicia. A diferencia entre as distintas zonas está no tipo de música empregada e nos pasos executados.
Salientar que se trata dunha danza de moi difícil execución, non polos pasos en si, senón polo propio proceso de trenzado e destrenzado das fitas, no que un só erro pode resultar fatal. 



6 A - Danza das fitas from Rosa Fernández Sánchez on Vimeo.
6 B - Danza das fitas from Rosa Fernández Sánchez on Vimeo.

6 C - Danza das fitas from Rosa Fernández Sánchez on Vimeo.

ALEMAÑA: Polca do Cuco

E continuamos a nosa andaina por terra europeas desprazándonos esta semana a Alemaña, onde bailaremos a Kuckuspolka ou Polca do cuco. De todos é ben sabido que os mellores e máis precisos reloxos de cuco fabrícanse nestas terras alemás. Pois ben, esta danza intenta imitar os movementos dos bailaríns dun destes reloxos, que cada hora en punto saen da súa casiña a deleitarnos con estes pasos de polca. Así, os danzantes dispóñense en parellas e desprázanse uns detrás dos outros en sentido circular.

6 A - POLKA DO CUCO from Rosa Fernández Sánchez on Vimeo.

6 B - POLKA DO CUCO from Rosa Fernández Sánchez on Vimeo.

6 C - POLKA DO CUCO from Rosa Fernández Sánchez on Vimeo.